ලක්දිව සමගි කළ රාජ්‍යත්වය පණ්ඩුකාභය රජතුමා


Post 7 photo

ගියපාර කතාකළේ පඩුවස්දෙව් රජතුමා ගැනනනේ.ඊයෙ තොරතුරු තාක්ෂණ ලිපිය දාන්න බැරිවුණා.ඊයෙ මට වැඩ අදිකයි.ඊයෙ තමයි වින්ඩෝස් 8 පරිගණකයට දාගත්තේ.බලන්නකෝ ඒකෙත් හැටිනේ.වෙනවයි වෙනවයි කියල ලෝක විනාසෙත් සිද්ධ වුණේ නැහැනේ.කමක් නෑ වැඩේට බහිමු.අද කතා කරන්න යන්නේ පණ්ඩුකාභය කුමාරයා ගැන.අබා චිත්‍රපටිය බලල ඇතිනේ.එහෙනම් මේ කතාව රසවිදින්න තවත් ලේසි වේවි.

මතකනේ ගියපාර ලිපියෙන් කතා කරා භාද්‍රකච්චායනා කුමරියට පුතුන් 10 දෙනෙක් සහ අන්තිමේදී එක දුවක් ලැබුන කියල. ඒ දියණිය ගේ නම තමයි “චිත්‍රා”. ඇයට දුටුවන් උමතු කරවන සුළු රූ සපුවක් තිබුණු නිසා “උන්මාද චිත්‍රා” කියල හැඳින්වුවා කියලත් දන්නවනේ.. ඉතින් මේ චිත්‍රා ඉපදුන වෙලාවේ දෛවඥයන් අනාවැකි පළ කරාලු අනාගතේදී චිත්‍රා ට පුතෙක් ලැබුනොත් ඔහුගෙන් චිත්‍රාගේ සහෝදරයින් මැරුම් කන බවට. ඉතින් මේකට කලබල උන සහෝදරයෝ ටික තීරණය කරාලු චිත්‍රා එවෙලේම මරා දමන්න. එත් ඉතින් කොයි දෙමාපියෝද එහෙම දේකට කැමති වෙන්නේ. වැඩිමහල් ම සොහොයුරා උන “අභය” ත් මේකට කැමති වෙලා නැහැ. ඒ නිසා අන්තිමේදී තීරණය කරාලු චිත්‍රා ට කිසිම පිරිමියෙක් මුණ නොගැසෙන විදියට ඇයව එක් ටැම් ගෙයක සිර කරලා තියන්න. මේ එක් ටැම් ගෙය මුර කරන්න සේවයේ යොදවල තිබුනේ “චිත්ත රාජ” සහ “කාලවේල” කියන යක්ෂ ගෝත්‍රික සේවකයන් දෙදෙනෙක්.
කොහොමහරි චිත්‍රාවගෙ නෑදෑයෙක් වෙන දිඝගාමිණී කියන කුමාරයට එක්ටැම්ගෙයට යන්න අවස්ථාව ලැබුණා.ඔහොම දවස් කිහිපයක්ම ගියාලු.ඊට පස්සෙ මොකක්ද උනේ කියල මම කියන්න කලින් කවුරුත් වගේ දන්නව ඇති.චිත්‍රාව දීඝගාමිණි සමඟ ආලෙන් වෙලුනලු.ඊට පස්සෙ චිත්‍රාවට ළමයෙක් ලැබෙන්න ඉන්න බව රජ මැදුරට ආරංචි උනාලු.
මේක අහල කෝප උන සොහොයුරන් එක් ටැම් ගෙය මුර කළ චිත්තරාජ සහ කාලවේල ට මරණ දඬුවම දුන්නලු. ඔවුන් දෙදෙනා චිත්‍රාගේ දරුවා ආරක්ෂා කරන්න යක්ෂ ආත්ම වල ඉපදුනා කියලයි ජනප්‍රවාදවල සඳහන් වෙන්නේ.. ඒ වෙලාවේ චිත්‍රාවත් මරන්න හදල මේ අයියණ්ඩිල ටික. ඒත් මවුපියන්ගේ හා වැඩිමහල් සොහොයුරා වූ අභයගේ අනුකම්පාව නිසානැවත වතාවක් මවු පියන්ගේ සහ  වැඩිමල් සොයුරාගේ අනුකම්පාව  නිසා චිත්‍රා ගේ ජීවිතය බේරුනා. පිරිමි දරුවෙක් ලැබුනොත් ඔහු මරා දමන්නත් ගැහැණු දරුවෙක් ලැබුනොත් හදා ගන්නත් එකඟ උනා. ඉතින් කවුද මේ දරුවගේ පියා? භාද්‍රකච්චායනා ගේ බෑනා කෙනෙක් වන “දීගගාමිණි” ද? නැත්නම් යක්ෂ ගෝත්‍රික “චිත්තරාජ” ද? මේක ගොඩක් දෙනා තර්ක කරන කාරණයක්.
කුමාරිය බයවුණා තමන්ට කුමාරයෙක් ඉපදුනොත් සහෝදරයින් තමන්ව මරා දමාවි කියලා.මේ දරුවා බිහි වෙන දවසේදී එදාම ඉපදුන ගෑනු දරුවෙක් සුදානම් කරගෙන හිටියලු පුතෙක් ලැබුනොතින් ළමයි දෙන්නව මාරු කරන්න. ඒක ඒ විදියටම සිද්ධ උනා. ලැබුනේ දුවෙක් කියලා මාමලා රැවටුනා. කුමාරයට නම තැබුවේ පඬුවස්දෙව් රජුගේ ත් අභය කුමරු ගේ ත් නම් එකතු කර “පණ්ඩුකාභය” කියලා. ඉතින් මේ කුමාරයාව යක්ෂ ගෝත්‍රිකයින් වෙසෙන දොරමඩලාව ගමට රහසින් පිටත් කරා.  සේවිකාවක විසින්, පැසක දාගෙන තමයි කුමාරයව ගෙනිච්චේ. ඇයට අතරමගදී හමු වෙනවා දඩයමේ ගිය, කුමාරයාගේ මාමාවරු කිහිප දෙනෙක්. ඔවුන් මේ පැස පරික්ෂා කරන්න හදද්දී චිත්තරාජ සහ කාලවේල වල් ඌරු වෙස් ගෙන එතනින් දුවපු නිසාත් මාමාවරු උන් පස්සේ දුවපු නිසාත් කුමාරයා බෙරුනාලු (මේ කතා නම් හුදු අලංකාර පමණක් වීමට ඉඩ කඩ ඇත).
කුමාරයා නිරෝගීව දොරමඩලාවේ වෙසුනා.සම වයස් ළමුන් එක්ක සෙල්ලම් කරන කුමාරයාට නිතරම නායකත්වය ලැබුනලු.කොහොමහරි කුමරියට පුතෙක් ලැබුණු බවත් ඔහු දොරමඩලාව කියන ගමේ වෙසෙන බවත් මාමලාට ආරංචි වුනාලු.මේ නිසා මාමාවරු ගොඩාක් බියෙන් ඉදල තියෙන්නෙ.දොරමඩලාවේ සියලුම පාහේ ළමුන් ගගේ දිය සෙල්ලම් කරන බව මාමලාට ආරංචි වුනාලු.දවසක් කුමාරයා යහළුවන් සමඟ දිය නෑමට ගිය බව දැනගත් මාමාවරු රාජ පුරුෂයන් යවා දිය නාමින් දියේ සෙල්ලම් කරමින් සිටි ළමුන් සියලු දෙනාම මරන්නට අණ කරාලු.මේ වෙලාවෙ පණ්ඩුකාභය කුමාරය කිමිදිල දිය යටින් ගිහින් විල අයිනේ තිබුණු ගස් බෙනයක රිංගලා සැඟවිලා ඉදලයි ජීවිතය බේරාගෙන තියෙන්නේ.ඔය සිදුවීම වෙන්නේ කුමාරයට අවුරුදු හතේදි.
ඒත් ටික කලක් යනකොට ආයෙමත් මාමලාට ආරංචි වෙනවලු කුමාරයා තවමත් දොරමඩලාවේ වෙසෙනව කියල.දොරමඩලාවට ඇස් විහිදා බලා සිටි මාමලට දවසක් ආරංචි වුනාලු කුමාරයා ගොපල්ලන් සමඟ ගවයන් බලමින් සිටිනව කියලා.ඉතිං ඒ වෙලාවෙත් රාජ පුරුෂයන් නඩා පැනලා ගමේ හිටපු ගොපලු දරුවන් සියලු දෙනාම මරල දාල.කුමාරයාත් ඒ වෙලාවේ ගවයන් බලමින් තමයි ඉදල තියෙන්නේ.ඒත් ඒ වන විට කුමාරයාව පිටත් කරලා නිවසට ගින්දර ගෙන එන්න.ඒ වෙලාවෙ කුමාරයාව හදාවඩා ගත්ත කෙනා ගින්දර එවල තියෙන්නෙ එයාගෙ පුතා අතේ.කුමාරයව ගෙදර නවත්තගෙන.එදාත් කොහොමහරි කුමාරයාගෙ ජීවිතය බේරුණාලු.
ඔතනින් පස්සෙ තමයි ඔය ගමින් අයින් කරල කුමාරයව යවන්නේ පණ්ඩුල බ්‍රාහ්මණයගෙන් ශිල්ප හදාරන්න.එතනදි පණ්ඩුල බ්‍රාහ්මණය දැනගත්තලු මේ කුමාරයා මතු රජවන කෙනෙක් කියලා.මේ නිසා කුමාරයාට හොදින් ශිල්ප ඉගැන්නුවලු.කුමාරයත් ඉතිං උගන්නන දේ හොදටමහ ප්‍රගුණ කරලා.ශිල්ප උගන්වලා කුමාරයා තරුණ වයසට පත්වුණ පසු කුමාරයාගේ උදව්වට පණ්ඩුල බ්‍රාහ්මණයා තම පුත් චන්ද්‍ර කුමාරයාත් සෙබළුන් බදවා ගැනීමට ධනයත් ලබා දුන්නලු.පණ්ඩුල බ්‍රාහ්මණයා තමාට රැකවරණය ලබාදෙන නිසා.මෙතෙක් තමා කවුදැයි රටවැසියාට වසන් කරපු පණ්ඩුකාභය කුමාරයා එය වසන් නොකළ සේනා සංවිධානය කරාලු.මේ කාලෙ සිංහලයින් සිංහ වංශිකයින් එක්ක අමනාපෙන් හිටපු නිසා පණ්ඩුකාභය කුමරුට සිංහලයින්ගෙන් නොබද සහයක් ලැබුනලු .
තම ගුරුවරයා වූ පණ්ඩුල බ්‍රාහ්මණයාගෙත් මය වූ චිත්‍රා කුමාරියගේත් යහළුවා වූ චන්ද්‍ර කුමාරයාගේත් හා වැඩිමහල් මාමා වූ අභය ගේත් ආධාර ඇතිව කුමාරයා සේනා සංවිධානය කරාලු.මේ අතරතුරදී ඔහුට දිඹුලාගලදී චේතියා නම් දක්ෂ වෙළඹක් අල්ලා ගැනීමට පුලුවන් වුනාලු.මේ වෙළමත් කුමාරයා ඉපදුණු දවසෙම ඉපදුනු එකෙක්ලු.මේ වෙළඹ ඉපදුනු බව තහවුරු වුනාමනේ චිත්‍රා කුමරියට කුමරෙකු ඉපදිනු බව න්‍යෂ්ත්‍රක්ෂයනුත් අනාවැකි බල කරල තියෙන්නෙ.මේ වෙළඹත් කුමාරයා වගේම දක්ෂ එකෙක්ලු.මේ වෙළඹ ඉදිරියේදී යුද්ධවලිදී සහය දුන්න ආකාරය ඉදිරියට කතා කරමුකෝ.
කසාගල අවට කදවුරු බැදගත් පණ්ඩුකාභය සේනා තර කරන්නේ ගිරිකණ්ඩ නම් ප්‍රදේශය කරා ගොස් ඇත. එම ප්‍රදේශය පාලනය කළ සිය මයිලණුවෙකු වූ ශිව නම් ප්‍රදේශාධිපතිගේ දියණිය ඔහුට මුණ ගැසිණි .ඇය කෙතට ආහාර රැගෙන යමින් සිටි අතර පණ්ඩුකාභය ඇයගෙන් තමාට හා තම පිරිසට ආහාර ටිකක් ඉල්ලා සිටියේය. එබැවින් කුමාරයාට රන් තැටියක දමා ආහාර පිළිගැන්වූ ඇය අනිත් පිරිසට ආහාර දීම සදහා නුග කොළ කඩා ගත්තාය .පාලි නම් වූ මේ කුමරිය අත තිබූ නුග පත් රන් තලි බවට හැරුනු බව සදහන්ය කෙසේ වුවත් කුමරිය අත ගැසූ නුග පත් රන්වන් පැහැ වූ නිසා ඇය ස්වර්ණපාලි නම් වූවාය. පණ්ඩුල බමුණාගේ අනාවැකිය සිහිගන්වමින් පණ්ඩුකාභය තෙමේ ඇය අග මෙහෙසිය කර ගත්තේය.
මේ බව දැනගත් පාලි කුමරියගේ පියා කුමාරයා සමග සටනට පැමිණියාලු.එහිදී ගිරිකණ්ඩශිව මාමාගේ සියලුම සෙනාවන් සමුලඝාතනය කරාලලු. පාලි කුමරියගේ ඉල්ලීම නිසා ගිරිකණ්ඩශිව මාමාගේ ජීවිතය බේරුණාලු.තමන්ගේ මාමා වූ ගිරිකණ්ඩ සිව මාමා සමග ඇතිවූ කහලය සිදුවූ තැන කලහගල කියලලු හදුන්වන්නෙ.ඊට පස්සෙ පාලි කුමරියගේ සොහොයුරන් පණ්ඩුකාභය කුමාරයා සමඟ සටනට ඇවිල්ල.අනේ අනිච්චං කියල ඒ ගොල්ලොන්ටනම් කුමාරයාගෙන් බේරීමක් නැතිවුණා.එවුන් සියල්ලටම උනේ මලබත් කන්න.මේ සටන සිදුවූ තැන හදුන්වන්නේ ලෝවාකඩ කියලලු.මෙයින් පසුව අභය හා ගිරිකණ්ඩ ශිව මාමාවරුන්ගේත් උදව්ව ඇතිව කුමාරයා දිඹුලාගල හා රිටිගල කඳවුරු බැන්දගෙන සේනා සංවිධානය කරාලු
දැන් ඉතිං කුමාරයාගෙන් මැරුම් කනවනම් මාමල අටයිනේ ඉතුරු වෙලා තියෙන්නෙ.ඒ ගොල්ලන් දැන් සිහි කරමු.ඔන්න කිව්වා මහාතිස්ස,උත්තිය,කුඩා තිස්ස,අසේල,විභාන,රාම,මත්තකල සහ මත්ත.ඔය ගොල්ලෙනම් කුමාරයාට නිතරම තර්ජන එල්ල කරාලු.මේ පිරිස සමඟ සටනට සැරසුණු කුමරු රිටිගල අසල කුඩා නුවර කදවුරු බැන්දලු.පණ්ඩුකාභය කුමරු සටනට එනතෙක් බලාසිටි මාමාවරු කදවුරු බැදගෙන ඉදල තියෙන්නෙ රිටිගල.කුමාරයා සෙන්පතියකු යටතේ සේනා යවා රිටිගල වටලෑවලු.කුමාරයා චේතියා වෙළඹගේ ආධාර ඇතිව මාමාවරු සමඟ සටන් කොට සෙනගින් වැඩි කොටසක්ද මරණයට පත්කරාලු.ඒක අඩඝාතනය කියල අපි හදුන්වමු.සියල්ල මැරුණේ නැහැනේ.මැරුණු මාමාවරු සහ ඒ සේනාවේ අයගේ හිස් එකට ගොඩ ගසා තිබුණු දුටු පණ්ඩුකාභය කුමාරයා හරියට එය ලබු ගොඩක් වැනියි කිව්වලු.ඒ ප්‍රෙද්ශය තමයි ලබුනෝරුව කියල පස්සෙ හැදින්වුවේ.සියලු මාමාවරු මරාදැමූ කුමාරයාට අභය මාමා විසින් රජකම ලබාදුන්නලු.දුන්නෙ නැති වුනානම් එයාටත් බඩු හම්බ වෙනවනේ.අනතුරුව උපතිස්ස ග්‍රාමය අත්හළ පණ්ඩුකාභය රජතුමා අනුරාධගාමය අගනුවර කරගත්තේය.මේ අනුරාධගාමය තොරගත්තෙ කොහොමද කියල මෙහෙමයි මහාවංසෙ සදහන් වෙන්නේ නිමි ශාස්ත්‍රෙය් සහ වාස්තු විද්‍යාෙව් දක්ෂ බමුණන් ලබා පරීක්ෂ කිරීමෙන් අනතුරුව එහි තම අගනුවර ඉදිකිරීමට පණ්ඩුකාභය කුමරු තීරණය කළේය.අනුර නැකතින් ආරම්භ වෙන විසාත් අනුරාධ නම් නම ඇති දෙදෙනෙකුම මෙහි රජකළ නිසාත් මෙයට අනුරාධපුර නමින් නම තබා රාජ්‍ය ආරම්භ කරා කියල තමයි මහාවංසෙ සදහන් වෙන්නෙ.
තම ගුරුවරයා වූ පණ්ඩුල බ්‍රාහ්මණයාගේ පුතා වූ චන්ද්‍ර කුමාරයා පුරෝහිත තනතුරට පත්කළ පණ්ඩුකාභය කුමාරයා නගරගුත්තික තනතුර ඇතිකොට එයට අභය මාමා පත්කරාලු.නගර ගුත්තික රාජකාරිය ලෙස හැදින්වූයේ රාත්‍රී කාලයේදී රාජ්‍ය පාලනය කිරීමයි.මෙය රත්ති රජ්ජක තනතුර කියාද හදුන්වයි.
විධිමත් පාලන ක්‍රමයක් ගොඩනැගූ මුල්ම පාලකයා ලෙස ඉතිහාස ගත වනුයේ පණ්ඩුකාභය රජතුමාය.එතුමා අනුරාධගාමය නගරයක් ලෙස සැලසුම් කොට එහි පරිපාලන කටයුතුද ක්‍රමවත්ව සංවිධානය කළේය.අනුරාධපුරය පාලන මධ්‍යස්ථානයක් ලෙස දිගු කලක් සුරක්ෂතව පැවතීමට අවශ්‍ය පදනම දැමූ ගෞරවය පණ්ඩුකාභය රජතුමාට හිමි විය යුතුය.
පරිබ්‍රාජකයන්ට ආරාමයක්ද අජීවකයන්ට නිවාසයක්ද බ්‍රාහ්මණයන්ට සිවිකා ශාලාවක්ද සහ සොත්ථි ශාලාච,ජෛනයනට හා නිගණ්ඪයනට ආශ්‍රමද ඉදිකරවා ඇත.එමෙන්ම නගරයෙන් පිටත චිත්තරාජ,කාලවේල අදීනට දේවාල තනවා දී ඇත.
ලක්දිව සමගි කරමින් රාජාභිෂේකය ලැබූ පණ්ඩුකාභය කුමරු අවුරුදු හැත්තෑවක් රජකම් කොට මරණයට පත්විය.ඉන්පසුව රජවූ මුටසීව කුමාරයා ගැන එන ලිපියෙන් කතා කරමු.
Visit Our New Website –  http://sinhapedia.blogspot.com/

2 thoughts on “ලක්දිව සමගි කළ රාජ්‍යත්වය පණ්ඩුකාභය රජතුමා

  1. විශාල කරුණු පුමාණයක්. ඉතා රසවත් අයුරින් ඉදිරිපත් කිරීම හුඟක් හොඳයි. ඉතිහාසය ගැන දැනගන්න පොත් කියවන අය අඩු වුනත් මේ වගේ දෙයක් ඒ අය බලාවි. අනිත් එක මේ වගේ පහසුවෙන් පොතකින් කරුණු හොයා ගන්න අමාරුයි. ඒ වගේම පොතුත් හිඟයි. තව ලියන්න. ඔබට දිරි!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s