සෙංකඩගල ඇසළ පෙරහැරේ දළදාව පැහැර ගැනීමේ කුමන්ත්‍රණයක්


බය වෙන්න එපා මේක 1834 දී සිදුවුණු සිදුවීමක්

ඇසළ පෙරහැර ආරම්භවීමට නියමිතව තිබුණේ අගෝස්තු පස්වන දාටය ඒ 1834 අවුරුද්දයි ඉංග්‍රීසි ආණ්ඩුකාර ශ්‍රීමත් රොබට් ඩබ්ලිව්.හෝර්ටන්ට ලැබුණ රහස් තොරතුරු අනුව ඇසළ පෙරහැර නැරඹීමට පැමිණෙන දහස් ගණනින් බැතිමතුන්ගේ අධාර සහිතව දළදාව පැහැර ගැනීමේ සැලැස්මක් දියත් කිරීමට නියමිත බවයි එම කාර්ය සදහා පෙරහැර නැරමීමට පැමිනෙන උඩරැටියන්ගේද දැනට බන්ධනාගාර ගතව සිටින්නන්ගේද ආධාර උපකාර ඇතිව ක්‍රියාත්මක කරන පිරිසට ලැබීමට අපේක්ෂිත විය මහනුවර දිසාපති වුඩ්හවුස්ටද මෙම තොරතුරු ලැබී තිබුණි ඔහුට ඕනෑම කෙනෙකු අත්අඩංගුවට ගෙන නඩු විභාගයකින් තොරව මාස දහ අටක් රදවා තැබීමටද ආණ්ඩුකාරයා විසින් බලය පවරා තිබිණි ඒ අනුව ජූලි 19 දින වන විට මොල්ලිගොඩ මහ අධිකාරම්,ඇලපොත බස්නායක නිලමේ,දුනුවිල දිසාව,මද්දුම බණ්ඩා,රද්දේගොඩ ලේකම්,ගන්හතේ මුහන්දිරම්,පාලමකුඹුරේ ලියනරාල, ඇතුල්ගම බණ්ඩා යන ගිහි නායකයන්ද වෙල්ලස්සේ අනුනායක උන්නාන්සේ,දෙබැව උන්නාන්සේ,තිබ්බටුවාවේ උන්නාන්සේ,ගලගම උන්නාන්සේ,කැටකුඹුරේ උන්නාන්සේ ,කොබ්බෑකඩුව උන්නාන්සේ ආදී නායක හිමිවරුන්ද ගතව සිටි හිරකරුවන් සමග කොළඹට රැගෙන යන ලදී

ලංකාව බාරව සිටි ස්ටැන්ලි සාමිවරයා වෙත මෙම සිද්ධිය වාර්තා කරන ලදී මහනුවර පොලිස් අධිකාරිවරයා වූ කෝල්පෙපර්, ඔහුගේ පස්දෙනෙකු පමණක් වූ පොලිස් බලකාය වැඩිකරවා දෙන ලෙසත් ඔවුන්ට වැඩි වැටුපක් ගෙවන ලෙසත් එංගලන්ත රජයෙන් ඉල්ලීය මේ අතර පැවිදි සිරකරුවෙක් වශයෙන් මුරසියට පිටුවහල් කර සිටි ඉහගම උන්නාන්සේ උපැදිව ඉහගම රාළ නමින් ඉංග්‍රීසීන්ට විරුද්ධව ප්‍රංශයෙන් උදව් ලබාගැනීමට යැවීමේ සැලැස්මක් දුනුවිල නිලමේ විසින් දියත් කරන ලදී එමෙන්ම මෙරටට උපසම්පදාව ගෙන්වා ගත් සියම් දේශයෙන් කුමාරයකු ගෙන්වා ගෙන ඉංග්‍රීසීන් මෙරටින් පන්නා හැරීමේ සැලැස්මක්ද දුනුවිල සතුවිය මේ අතරතුරෙහිම ඉංග්‍රීසි ආණ්ඩුවෙන් දීමනා ලබමින් දළදාව තේවාවෙහි යෙදී සිටි භික්ෂූන් වහන්සේලා වස් එළැඹීමට යැයි පවසා සෙංකඩගලින් පිටව යෑමට ඉංග්‍රීසි ආණ්ඩුවෙන් අවසර ඉල්ලීය නමුත් ඉංග්‍රීසි ආණ්ඩුවේ සැකය වූයේ මෙම භික්ෂූන්ද සෙංකඩගලින් බැහැරව ගොස් කැරලිකරුවන්ට සහය දෙන බවටය හමුදාවේ මේජර් ජනරාල් ශ්‍රීමත් ජේම්ස් විල්සන්, යටත්විජිත ලේකම් වූ පිලිප් ඇන්ස්ත්‍රැදර්, ටර්ටන් හා දිසාපති වුඩ්හවුස් ගෙන් සමන්විත වූ විධායක කොමිටිය මෙම ඉල්ලීම ප්‍රතික්ෂේප කළේය ඔවුන් තීරණය කළේ කැරළිකරුවන් සියළුදෙනාම එකම දිනයකදී එකම වේලාවට හිරභාරයට ගැනීමටය

මේවන විට මඩකලපුවෙන් ගොඩබාන ලද විශාල අවි තොගයක් හමුවීමෙන් ඉංග්‍රීසීන්ට හමුවීමෙන් ඉංග්‍රීසීන්ගේ සැකය තවදුරටත් වැඩිවිය මෙම අවි අතර තුවක්කු,කඩු,කිණිසි,වෙඩි බෙහෙත්,ගෙන්දගම්,පිස්තෝල ආදියද විය

සැලැස්ම

ටර්නර් ධාතු කරඩුව පිටතට ගැනීමට යන අවස්ථාවේ එහි තිර රෙද්දට ගිනි තබා කලබලයක් නිර්මාණය කර ධාතු කරඩුව ඉවත්කොට ඒ වෙනුවට දන්ත ධාතුවට සමාන වෙනත් දෙයක් ආදේශ කිරීමට සැලසුම් කිරීමට තීරණය කර තිබිණි දන්ත ධාතූන් වහන්සේ සමග සිංහලයාගේ බැදීම කොපමණද යන්න මේවන විට ඉංග්‍රීසිහු දැන සිටියහ එදා දන්ත ධාතුව සිංහලේ යම් නායකයෙකු අතට පත්වී නම් අපට නැවතත් සිංහලේ රජකම ලැබෙනු නොඅනුමානය මෙම තත්ත්වය අවබෝධකොට ගත් ඉංග්‍රීසි රජය රජයට දන්ත ධාතුව පිහිර ගැනීම වැළැක්වීමට පසුබට වූයේ නැත ඉංග්‍රීසි රජයට දැන් තිබෙන විකල්පය කැරැල්ලට යොදාගත් දිනයයට පෙර කැරළි නායකයන් හිරබාරයට ගෙන ඔවුන්ගේ සැලැස්ම පරාජය කිරීමය මේවන විට සිදුවීමට යන විනාශය පිළිබදව සෑහෙන ආරංචි කොළඹ ආණ්ඩුකාරයා වෙ කටකථා මගින් මෙන්ම ඔත්තු සේවා මගින්ද ලැබෙමින් පැවතුණා මඩගළපුවෙන් ගෙන්වූ අවි ආයුධ පිළිබදව තොරතුරු කොළඹට ආරංචි විය දඩගළපුවේ වරාය කොමසාරිස්ට දන්වා එම ආයුධ නිදහස් නොකිරීමටද පියවර ගන්නා ලදී මහනුවර සිටි ආණ්ඩුවේ ඒජන්ත වුඩ්හවුස් ද කොළඹට වාර්තා කළේ ඇසළ පෙරහැර විශාල ලේ ගැනීමකින් කෙළවර විය හැකි බවය අනික් අතට ඔහු කියා සිටියේ මෙම ක්‍රියාන්විතියට නායකත්වය දෙන ප්‍රධාන පිරිස් අල්ලා සිරගත කළහොත් ඔවුන්ට සහාය දක්වන සාමාන්‍ය පිරිස්ද අධෛර්යයටද පත්වන බවය ඒනිසා ඔවුන් සියළුදෙනාම හිරභාරයට ගනු ලැබීය

නායකයන් අත්අඩංගුවට

මොල්ලිගොඩ අත්අඩංගුවට ගැනීමේ කාර්යය භාරවූයේ මේජර් තෝමස් ස්කිනර්ටය ස්කිනර් මෙරටට පැමැණියේ මාර්ග ඉංජිනේරුවෙකු වශයෙන් සේවය කිරීමටය ඔහු සිලෝන් රයිෆල් රෙජිමේන්තුවේ මේජර්වරයෙකු වූ අතර ඔහු අධිකාරම් හොදින් දැන ඇදින් සිටි අයෙකු විය වෙඩි හඩක සංඥාව නිකුත්වනවාත් සමග ස්කිනර් මොල්ලිගොඩ වලව්වේ ප්‍රධාන දොරටුව කඩාගෙන ගෙට ඇතුළු විය පසුව ස්කිනර් කොළඹට වාර්තා කළේ මම ගෙට ඇතුළුවන විටම ලන්තෑරුමක් අතින් ගත් මහළු මිනිහෙක් ඉස්සරහට පැමිණ මට අවශ්‍ය මොනවාදැයි විමසීය මම තවත් සොල්දාදුවන් පිරිසක් සමග උඩුමහලට දිව ගියෙමි එහිදී මට දැකගත හැකිවූයේ අධිකාරම් තවමත් නින්දෙන් පසුවන බවය ඔහුට කිසිදු ආරක්ෂකයෙකු නොවීය මොල්ලිගොඩ අත්අඩංගුවට පත්විය එදිනම පාන්දර හතරට පමන අස්ගිරි මහ විහාරය වැටලීමට සිලෝන් රයිෆල් හමුදාවේ කපිතාන් එඩිසන් ඇතුළු පිරිසක් යොදවන ලදී

කපිතාන් ස්ටෑන්ස් දුනුවිල අත්අඩංගුවට ගැනීමට සමත් විය මේ සමගම සියළු කැරළි නායකයන් අත්අඩංගුවට ගැනීමට කපිතාන් ස්ටෑන්ස් සමත්විය

මේ සමගම සියලු කැරළි නායකයන් අත්අඩංගුවට ගෙන ඔවුන් සම්බන්ධයෙන් තිබූ සාක්ෂි රජයේ නියෝජ්‍ය අද්වකාත් ජෙරිංග් වෙත ඉදිරිපත් කරන ලදී රජයේ අද්වකාත් ඕගල් කාර් සාක්ෂි විශ්ලේෂණයකින් පසු චූදිතයන්ට විරුද්ධව නඩු විභාගයක් පැවැත්වීමට නිර්දේශ කළේය නඩු විභාගය 1835 ජනවාරි 12 0ින ඩබ්ලිව්.නොරිස් දෙවන සුප්‍රීම් විනිශ්චකාරතුමා ඉදිරියෙහි ආරම්භ විය ජූරිසභාව ඉංග්‍රීසීන් හය දෙනෙකු හා සිංහලයින් හත් දෙනෙකු ගෙන් සමන්විත විය විත්තිකරුවන් වෙනුවෙන් ස්ටැපල්ස් අද්වකාත්වරයා පෙනී සිටියේය

දින නවයක් පුරා සාක්ෂිකරුවන් විසිපහකට අධික පිරිසගේ සාක්ෂි විභාගයෙන් පසුව ජූරි සභාවේ ඒකමතික තීරණය වූයේ විත්තිකරුවන් නිවැරදිකරුවන් බවටය උඩරට රාජ්‍යයේ තවත් ‍‍‍ඓතිහාසික සිද්ධියක් මෙසේ නිමායට පත්විය

කතාව පට්ටයිනේ කමෙන්ට් එකකුත් දාල යන්න

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s