සෙනරත් රජු නැගෙනහිර ඉන්දීය වෙළද සමාගම සමඟ අත්සන් කළ ගිවිසුම


යුරෝපා රටවල් නැගෙනහිර ඉන්දියානු දූපත් රටවල් සමග පැවැත්වූ වෙළද ගණුදෙනු ඩෙන්මාර්ක් ජාතිකයන්ගේ සතුටට හේතු නොවීය නොඩික් රටවල් සමඟ පැවැති යුද්ධ ආරවුල් 1603 දී පමණ සමථයකට පැමිණියත් ඩෙන්මාර්කය මේ යුද්ධවලින් හානියට පත්වූ රටක් නොවීය මෙම සටන්වලදී ඩෙන්මාර්ක් ඩැනිෂ් ජාතික නැවියන් බොහෝ දෙනෙකු නැගෙනහිර ඉන්දියානු රටවල් පිළිබඳවද සෑහෙන අවබෝධයක් ලබා තිබිණ එබැවින් නැගෙනහිර ඉන්දියානු වෙළද සමාගම ස්ථාපනය කිරීමට ඔවුහු බලවත් උනන්දුවක් දැක්වූහ

නැගෙනහිර ඉන්දියානු වෙළද සංගමය වෙළද ගිවිසුමක් ලංකාවේ සෙනරත් රජු සමග ද එවකට අත්සන් කර තිබිණ

මෙම ගිවිසුම අත්සන් කිරීමට මූලිකව ක්‍රියාකර ඇත්තේ රෝලන්ට් ක්‍රේප් නැමති ඩැනිෂ් ජාතිකයෙකි ඩෙන්මාර්කයේ කෝපන්හේගන් නුවරදී කොන්දේසි තිස්තුනක් අඩංගුව මේ ගිවිසුම ලේඛවගත කොට ඇත මෙම ලේඛනය ඩෙන්මාර්ක් රාජ්‍ය ලේඛනාගාරයේ අදටත් සුරක්ෂිතව තබා ඇති අතර කොන්දේසියේ සදහන් කරුණු තිස්තුනම ඒ ආකාරයෙන්ම ක්‍රියාත්මක නොවූවද අවස්ථානුකූලව යම් යම් වෙනස් කිරීම්ද කර ඇත

සෙනරත් රජතුමාද මේ වෙළද සංගමයට සම්බන්ධ වීම සදහා ඇති කැමැත්ත දක්වා එවකට මීගමුරාළ නමින් පෙනී සිටි බොෂුවර්ස් නමැති ඕලන්ද ජාතිකයා රාජකීය සන්නසක් සමගින් ඩෙන්මාර්කයට පිටත්කර යැවීය බොෂුවර්ස් එදා ඩෙන්මාර්කයේ සිටි වෙළද අධ්‍යක්ෂ මෙන්ම ප්‍රධාන බදු නිලධාරියා වූ හෑන්ස් හෝච් හමුවීමට 1615 මැයි 09 වැනිදා ලංකාවෙන් පිටත්ව ගියේය ඔහු ජාවා අසල පිහිටි බැන්ටම් දූපත්වලදී ඕලන්ද බලධාරින් හමුවිය එම හමුවීම සිදුවූයේ නූතන ඉන්දුනීසියාවේය

බොෂ්වර්ස් එහි ළගාවන විට එහි සිටි නැගෙනහිර ඉන්දියානු වෙළද සංගමයේ අධ්‍යක්ෂකවරයා වූ ජෙහාඩ් රෙසින්ට් මියගොස් සිටි බැවින් බොෂුවර්ස්ගේ ගමනෙහි අරමුණ ඉටුකර ගැනීමට නොහැකි වූයේ මෙම අභාවයත් සමග එම සමාගමේ කටයුතුද අවුල් සහගතව තිබූ බැවිනි සෙනරත් රජතුමාගේ රාජකීය බල අඥාව ඕලන්දය සමග පමණක් වෙළද ගනුදෙනු සාකච්ඡා කිරීමට සීමා නොවූ බැවින් මීගමුරාළ කල්පනා කළේ ඩෙන්මාර්කය සමගද සාකච්ඡා ආරම්භ කිරීමටය මෙහිදී මීගමුරාළට ආරංචි වූයේ ඩෙන්මාර්කයේද නැගෙනහිර ඉන්දියානු වෙළද සංගමයක් ආරම්භ කර ඔවුන්ගේ මූලස්ථානය සදහා ආසියාවේ යෝග්‍ය දූපත් රටක් සොයමින් සිටින බවය

මේ සම්බන්ධයෙන් සාක්ච්ඡා කිරීමට එහි ප්‍රධානියා වූ ඕව් ගිඩේ හමුවිය මෙම හමුවීම ඩෙන්මාර්කයේ එවකට සිටි හතරවන ක්‍රිස්ටියන් රජතුමා ඔහුගේ දින පොතෙහි මෙලෙස සටහන් කර ඇත 1617 නොවැම්බර් 07 දින ඉන්දියාවේ පිහිටි ලංකාවේ රජතුමාගේ දූතයෙකු මෙරටට පැමිණ නොවැම්බර් 08 වැනි දින මාගේ මාලිගයේදී හමුවිය 1618 නොවැම්බර් 26 දින ඕව් ගිඩේට සම්පූර්ණ බලතල පැවරූ රාජකීය ලංඡනය සහිත අධිකාරි බලපත්‍රයක්ද නිකුත් කරන ලදී බොෂුවර්ස් නොහොත් මීගමුරාළට සෙනරත් රජතුමා විසින් රාජකීය නිල ලංඡනය සහිත අධිකාරි බලපත්‍රයක් 1615 මාර්තු 22 නිකුත් කර තිබුණි එහිදී බොෂ්වර්ස් හදුන්වා දී ඇත්තේ කුකුල් කෝරළේ මීගමු කුමාරයා ආදී වචන වලිනි

රජතුමාගේ නිල නාමය සූර්ය වංශයට අධිපති රාජ සභාවේ හා යුද සභාවේ සේනාධිනායක නාවුක හමුදාවේ කැප්ටන් ජනරාල් හා අද්මිරාල් වූද ලංකාවේ අධිරාජයා වශයෙනි

ගිවිසුමට අත්සන් තබා ඇත්තේ දුම්බර රාජකීය කදවුරේදීය මෙම පෙදෙස කරල්ලියද්දේ ගමයි එය කුසුමාසන දේවිය උපන් ගමයි

සෙනරත් රජතුමා 1613 මැයි 11 දින දී ද කොන්දේසි තිස්තුනක් සහිත ගිවිසුමක් මෙහි ලන්දේසි තානාපතිවරයා වූ ඉහතින් සදහන් කළ මාර්සෙලෙස් බෙෂුවර්ස් සමග අත්සන් කර තිබේ

මෙයින් හත් වසරකට පසු දෙවැනි වරටත් සෙනරත් රජතුමා ඩෙන්මාර්කය සමගද ගිවිසුමක් 1620 අගෝස්තු 25 දින අත්සන් තබා තිබේ එදා ඩෙන්මාර්ක් ජාතිකයන් තුන්සියයක් සමග නැව් පැමිණ ඇත්තේ ත්‍රිකුණාමලයටයි ත්‍රිකුණාමලයේ සිට ඔවුන් මඩකළපුවට පැමිණ ඇත ඔවුන් එම ප්‍රදේශය හදුන්වා දී ඇත්තේ kingdom of paligame යනුවෙනි ත්‍රිකුණාමලයේ සිට එහි පැමිණීමට හේතුව වශයෙන් දක්වා ඇත්තේ එවකට ත්‍රිකුණාමලයේ තිබූ ආහාර හිගයක් නිසා නැව්වලට කෑම සැපයීමට තිබූ දුෂ්කරතාව හා මහනුවරට මඩකළපුවේ සිට පැමිණීමට ඇති දුර ප්‍රමාණය අඩුවීම  නිසයි

ඔවුන් මැයි 08 වැනිදා ගොඩබිමින් ගමන ආරම්භ කර ඇත්තේ සිංහල තෝල්කවරයෙකු සමග හෙන්රිච් හේයස් පීටර් සහ වී සාන්නේ මාර්ටින් පින්චේ නැමති පෘතුගීසි භාෂා පරිවර්තකයාද සමගය මොවුන් සෙංකඩගල නගරයට රැගෙනවිත් නැත්තේ ඒ වන විටත් සෙංකඩගල නගරයේ පෘතුගීසින් සමග ඇති වූ සටන් නිසා ප්‍රදේශය ජනශූන්‍ය ප්‍රදේශයක්ව තිබූ බැවිනි

රජතුමා ඔවුන් හමුව ඇත්තේ ventharen යැයි ඩෙන්මාර්කයේ හැදින්වූ ස්ථානයේය එය මහවැලි ගඟ අසබඩ පිහිටි නූතන වේඬරුවයි එළාර-දුටුගැමුණු යුද්ධයේදී විහාර මහාදේවිය මේ ගමෙහි රැදී සිට ඇත ඇයට වෙඬරු ඔරුවක් පිළිගැන්වූ බැවින් එගම වෙඬරුව විය වර්ෂ 1293 සිට 1302 දක්වා රජකළ දෙවන බුවනෙකබාහු නොහොත් වත්හිමි බුවනෙකබාහු රජතුමා මෙගමින් පැවතුන අතර එගම පිරිස් එම පරම්පරාවෙන් පැවතේ

1602.05.20 දින මෙරට පළමු ඕලන්ද ජාතිකයා වූ අද්මිරාල් ජෝරිස්වෑන් සපිල්බර්ජන් ද වේඬරුවෙන් පැමිණ සෙංකඩගල අගනුවරදී පළමුවැනි විමළධර්මසූරිය රජතුමා හමුව ඇත ඕව් ගිඩේ පමණක් තුර්ය වාදනයක් සමග රජතුමා 1620.08.25 දින හමුවිය එහිදී ගිඩේ ජර්මන් භාෂාවෙන් පැවැත්වූ කථාව පරිවර්තකයෙකු විසින් පෘතුගීසි භාෂාට හරවන ලදී ගිවිසුම කොන්දේසි විසිහතරකින් යුක්ත විය එය අදටත් පැරිසියේ රාජකීය ලේඛනාගාරයේ සුරක්ෂිතව තිබේ බොෂුවර්ස් නොහොත් මීගමුරාළ මේ අතර මිය ගියෙන් ඔහුගේ වැන්දඹු භාර්යාවට සෙංකඩගල රාජධානිය අවටින් ඇගේ නඩත්තුව සදහා ආදායම් ලැබෙන පරිදි ඉඩම් පවරා දී ඇත මීගමුරාළගේ මරණය සැල වූ පසු රජතුමා සිය නියෝජිත පිරිසක්ද යවා ඇත එදා මීගමුරාළගේ වැන්දඹුව හමුව ශෝකය ප්‍රකාශ කිරීමටද පිරිසක් යවා ඇත එදා මීගමුරාළගේ වැන්දඹුව සතුවූ ඉඩම් ඇයගෙන් පසුව ගිඩේට අයත් විය එකල ගිඩේ එහි සිට සෙංකඩගල රජමැදුරට ගියේ නාරපන්නාව හරහා හුළුගගෙන් එගොඩ වී නූතන ලේ වැල්ලට පැමිණ එහිදී මහවැලි ගගෙන් එගොඩ වීමෙනි එබැවින් ගිඩේ පදිංචිව සිටි ගම පසුව ගිඩ්ඩව නම් වීද නැතහොත් ජනවහරේ පවතින ගිඩා නම් යක්ෂයෙකුගේ නමින් ගිඩ්ඩව යක්ෂ ගෝත්‍රිකයන් පදිංචිව ගිඩා නම් යක්ෂයෙකුගේ නමින් ගිඩ්ඩව යක්ෂ ගෝත්‍රිකයන් පදිංචිව සිටි ගමක් වීද සෙවීම මානව විද්‍යාඥීන්ට භාරය

තවත් ලිපියකින් හමුවෙමු කමෙන්ට් එක්ක හරි මුහුණු පොතට ලයික් එකක් දාල යන්න

2 thoughts on “සෙනරත් රජු නැගෙනහිර ඉන්දීය වෙළද සමාගම සමඟ අත්සන් කළ ගිවිසුම

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s